是按呢哦

    人講：「三月痟媽祖。」一年一度ê大甲媽起走啊！卡早我攏叫是伊只毋過是一个傳統ê信仰活動，干焦會當佇電視看著爾爾。毋過這擺因為我讀台語系ê關係，我tè著阮班ê同學做夥去參加今年ê大甲媽繞境。

    舊曆ê三月初九，這工一透早我就佮我ê同學佇學校ê門口等待坐遊覽車欲去佮大甲媽隊伍會合。上遊覽車以後，阮老師放大甲媽ê紀錄片予阮看，予阮會當先體會大甲媽繞境ê情形。

    到位了後，阮先在路邊等待大甲媽ê聖座。在等待ê時陣，有人分草仔粿欲予阮吃，毋過因為我早頓吃傷飽，為著mài浪費，所以我就無提啊！了後阮閤tú著鎮瀾宮ê董事長顏清標，逐家攏親像看著柴佛仔同款，相爭欲佮伊翕相，當然我嘛是。

    翕相了後無多久，媽祖就來囉！一聽到會使鑽轎腳，阮佮阮同學猶有在地ê信徒，逐家一个tè一个，全部乖乖phak佇，等待媽祖婆chhōa來福氣予大家，毋過頭一擺我無經驗，bē記愛下願，好佳哉我這工猶有足濟擺ê機會會當補講。

    了後，阮一陣人就tè著媽祖陣頭ê腳步，一步一步對土庫走到新港奉天宮去。雖然路途對我這款平常無在運動ê人來講，實在是足常閤足無意思ê，毋過好佳哉，一路上，我攏佮阮同學做夥，有講閤有笑，甚至閣去sak一台陣頭ê車，實在足趣味；沿路嘛提到足多人分予阮ê物件，予阮感覺足感動嘛足溫暖ê，就按呢阮一步一步離目標愈來愈近啊！

    總算是到新港ê奉天宮啊！我佮阮同學除了踅排佇路邊ê販仔，嘛到奉天宮附近參觀陣頭ê表演，猶有吃足濟佇公園邊仔ê料理。

    就按呢，我完成了頭一擺ê痟媽祖活動，雖然用腳行真張足悿，毋過這擺ê活動予我足濟ê回憶，無論是chhōa整个陣頭辛苦ê報馬仔佮扛轎ê人，抑是沿路分感動佮溫暖予我ê人家，猶有陪我行完這工活動ê同學佮路人。相信m̄但我，閣有足濟人攏感覺這擺是足有體會ê活動，希望後擺會當閣來感受這擺活動與我ê體驗。

  台一甲佮顏清標ê相片