是按呢哦

    現代人都甲意做夢,但是欲完成夢想,需要足濟ê勇氣,和厝內人ê支持,猶有興趣同款ê朋友。Vicky自細漢就有一个愛伊ê阿母,無管伊講啥物,伊阿母攏會支持伊,袂像其他人會甲伊當作痟人看待,嘛因為伊在大學抵到Pinky這个知己,兩个人互相幫助、互相照顧,所以Vicky才會使好好ê完成伊ê夢想。聽完Vickyê演講,乎我了解著所有ê夢想攏是愛動手才會開始ê,而且嘛愛像Vicky伊講ê相信所有ê夢想攏會實現ê。''nothing is impossible''這句話對一個欲完成夢想ê人來講,正經足重要ê,因為愛先相信所有ê代誌攏是有可能會發生ê,了後才會使好好來完成夢想,而且無管抵到什麼代誌攏袂使來放棄,因為台灣俗語講「戲棚下倚久就是汝ê」。

    自細漢我ê夢想就是作一个老師,所以大學我選擇台中教育大學,希望我會使在這四年學到如何作一个好老師,以後會使甲我所學ê攏教乎我ê學生。毋過因為台灣最近有足濟外勞仔,所以最近我閤有另外一个夢想,就是開一間補習班,教外勞仔咱台灣ê話,乎in因為語言袂通來受人欺負。現在對我來講尚重要ê就是好好學習所以學校教ê,然後利用一寡其他ê資源充實我自己ê能力,這樣就算以後無作老師,嘛可使是作其他ê工作。