咱攏知影家己有一工會死，毋過等死神來扣門，有誰會當抱著欣然ê心態去應門？
咱人往往忌克死亡ê議題，但死亡是自然ê、順理成章ê一件代誌，無人會使避免。「死亡，是悲傷ê代誌，但活了不快樂嘛是悲傷。」驚死ê人驚走到生命ê終點，但是in煞是m̄知影，可怕ê是活佇這个世間上，煞m̄知影應該做啥乜代誌。咱活著毋是為死亡擔憂，反到底是應該利用天公伯予咱ê時間，走找生命ê意義、體會生命ê價值。比論：佇舞台上盡情ê彩繪家己ê生命、享受家己所愛ê各種物件、珍惜對家己重要ê每一个人……
佇《最後十四堂課》中，教授tshōa作者走找心中ê小王子，有偌儕ê人會使明白活著ê價值？往往咱攏認為猶有足tsōe時間，對家己想欲追求的常常躊躇、佇岔路口常常m̄知影欲往thái位去，認為只要有權有勢就會當做家己想欲做ê任何代誌，正當咱達到目的時反顛倒失去khah加物件。誰會使保證等你有錢時bē失去健康？誰會使保證等你有錢時bē失去朋友？
當我看完這本書了後，我深深ê明白死亡真張bē可怕，可怕ê是佇死亡ê那一時陣家己閤有足tsōe代誌猶未完成，留下足tsōe ê遺憾，所以對今嘛開始，我會好好掌握每一个物件、關心身軀邊所有ê人，mài予家己tī欲死進前，才後悔猶有足chōe代誌猶未做。
傷歹ê毋是身軀機能ê退化，是失去了堅定信念ê心靈。你活了快樂嗎？佇暗時ê時陣，請好好想看覓：你快樂嗎？
文章標籤
全站熱搜
